උළුහාල්

ආසියාතික රටවල් වල මුළුතැන් ගෙවල් වල ඇති ව්‍යංජන රසවත් කිරීමටත් කැඳ වර්ග ගුණදායක  කිරීමටත් උදව් වෙන උළුහාල්වල සැබෑ වටිනාකම ඔබ දන්නවාද?

             විටමින් C  හා D  වලින් පෝසත් යකඩ, කැල්සියම්, සින්ක්, කොපර් සෙනිලියම් ඛනිජ වර්ග තයොමින් මියසින් ෆොලික්  අමිලය වැනි පෝෂක අඩංගු, උළුහාල් ඈත අතීතයේ සිටම රෝග නිවාරණයට යොදා ගැනුණා.

             දියවැඩියාව, ඇදුම, ආතරයිටීස්, අමිලපිත්ත, රක්න හීනතාව, කොලෙස්ටරෝල් සම මත වන තුවාල, පිළිස්සීම්, මාන්දම, ස්නායු රෝග, කටී වායුව, සිහිකල්පනාව අඩු වීම වැනි රෝග ගොඩකට උළුහාල් ගුණ දායකයි. ඒවා සිරුරේ ප්‍රදාහ තත්ව  බැහැර කළ සන්ධි වේදනා මැඩපවත්වනවා. කෙදි  සහිත නිසා මලබද්ධය නැති කළ ආහාර දිරවීම පහසු කරනවා මෙහි ඇති වස පස ඉවත් කිරීමේ හැකියාව නිසා බඩවැල්වල ඇති පිළිකාවලට ඉඩක් නැති වෙනවා.

             උළුහාල් වල අඩංගු සංයෝග මගින් ඉන්සියුලින් නිපදවීම වර්ධනය කරන නිසා දියවැඩියාව පාලනය කරනවා. ෆෝලික් අම්ලය නිසා උළුහාල් කිරිදෙන මවුවරුන්ටත් ඉතා පලදායකයි. අලුත් මවකට පහසුවෙන් කිරි එරෙන  අතර දරු උපතින් ඇතිවෙන වේදනා තත්ත්වයන් ඉක්මනින් දුරු කිරීමට සහාය වෙනවා. දරු උපත් පමා වන අයට ගර්භාෂගත රෝග දුරු කරමින් දරු සම්පත් ලබා ගැනීමටත් උපකාරී වෙනවා.
මොලේ නිරෝගි කරමින් බුද්ධිය හා කල්පනා ශක්තිය වර්ධනය කරන්ටත් චර්ම රෝග බැහැර කර සම පැහැපත් කරන්නත් සිරුරේ නොයෙක් රෝගවලට ගොදුරු කරන තරබාරුව පාලනය කරන්නටත් උළුහාල් වලට පුළුවන්.

             හිසකෙස් වැටීම අකලට සුදුවීම වලකා ඉස්සොරි දුරු කර හිසකෙස් මනාව වැඩීමටද උළුහාල් උපකාරී වෙනවා.පොල්තෙල් වලට උළුහාල් දමා රත්කර හිස කෙස් ගැම මනා කෙස් කළඹක් වඩවා ගැනීමට පෙර සිට පවතින කාන්තා පුරුද්දක්.

              උළුහාල් වලින් ඇතිවෙන නිරෝගී වීම හරහා තරුණ පෙනුමක් ලැබීමත් තරුණ ජවයක් ලැබීමත් සිදුවෙනවා අතීසාරය පාචන රෝගීන් ට උළුහාල් අහිතකර වන අතර, හෘද රෝගීන්ට වැඩි වශයෙන් ගැනීම නුසුදුසුයි.

උළු හාල් වලින් අත් බෙහෙත්

• වාත අමාරු,  බඩ පුරවා දැමීම් වලදී උළුහාල් සුදුළුනු  සමඟ තම්බා බීම.

හිස්හොරි ඇතිවිට

• දෙහි සමඟ තම්බා හිසේ ගෑම.
• උළුහාල් තේ හැඳි තුනක් රැයේ පෙගෙන්නට තබා උදේ අඹරා හිස ගා සම්බාහනය කර පැයක් පමණ තබා සෝදා හැරීම.

දියවැඩියා රෝගීන්ට රුධිර ගත සීනි පාලනයට

• උළුහාල් කබලේ බැද කුඩුකර අසුරා තබාගෙන තේ හැන්දක් දමා බීමෙන් උණු දියෙන් සකසාගත් කෝප්පයක් උදේ හිස්බඩ බිම.
• උළුහාල් රැයේ පෙඟෙන්නට තබා එම දිය උදෑසන හිස්බඩ පානය කිරීම උළුහාල් ද  සපා කන්න

තරබාරුව පාලනයට

• මදක් රත් කර උළුහාල් කුඩු කර මීපැණියෙන් අනා කෑම
• උළුහාල් හොඳින් තම්බා පෙරා මී පැණි සමඟ පානය කිරීම

කොලෙස්ටරෝල් පාලනයට

• ආහාර ගැනීමෙන් පසු උළුහාල් ඇට කිහිපයක් සපාකෑම.
• උළුහාල් කොටස් 2 කට කළුදුරු ගොරකා කුරුදු කරපිංචා දළු කොටස් 1 බැගින්ද ගම්මිරිස් ඉඟුරු කොටස් භාගය බැගින් ද දමා ලුණු ස්වල්පයක් එක් කර අඹරා ගෙන සම්බෝලයෙන් නෙල්ලි ගෙඩියක ප්රමාණයක් සමග කෑම තරබාරුව පාලනයටත් සුදුසුයි.

       තරුණ පෙනුම හා ජවය ලැබීමට පුලුවං පිටි කර  කැඳ සකසා බීම.